300 milyon dollarlıq razılaşma: Grok süni intellekti Telegram-a gəlir

Elon Muskın süni intellekt şirkəti xAI, Telegram-la əməkdaşlıq çərçivəsində 300 milyon dollarlıq razılaşma imzalayıb. Bu razılaşma nəticəsində Grok süni intellekti bu yay 1 milyarddan çox Telegram istifadəçisinə təqdim olunacaq.

Telegram-ın təsisçisi Pavel Durov bu xəbəri təsdiqləyərək bildirib ki, Grok süni intellekti hazırda bazarda mövcud olan ən güclü texnologiyalardan biridir və istifadəçilər üçün mühüm üstünlüklər təqdim edəcək. Grok, Telegram-ın axtarış çubuğuna birbaşa inteqrasiya olunaraq mövzu əsaslı söhbətlər, ağıllı mətn düzəlişləri, söhbət və sənəd xülasələri, qrup moderatorluğu kimi funksiyaları aktiv edəcək.

xAI ilə bu əməkdaşlıq, Telegram-a 300 milyon dollar dəyərində nağd və investisiya kapitalı qazandıracaq. Həmçinin, xAI abunəliklərindən əldə olunan gəlirlər iki şirkət arasında bərabər bölüşdürüləcək.

🔥 This summer, Telegram users will gain access to the best AI technology on the market. @elonmusk and I have agreed to a 1-year partnership to bring xAI’s @grok to our billion+ users and integrate it across all Telegram apps 🤝

💪 This also strengthens Telegram’s financial… pic.twitter.com/ZPK550AyRV

— Pavel Durov (@durov) May 28, 2025

Pavel Durov əlavə edib ki, Telegram Premium artıq 15 milyondan çox ödənişli abunəyə sahibdir və bu rəqəm cəmi bir il ərzində iki dəfə artıb.

Texnologiyadan xəbərdar olmaq üçün Telsat Xəbərləri izləməyi unutmayın.