Lenovo fərqli dizaynı ilə IFA 2025-ə damğa vurur

Lenovo-nun döndərilə bilən ekranlı noutbuku sızdı!

IFA 2025 yaxınlaşdıqca, texnologiya dünyasında maraqla gözlənilən yeniliklər də bir-bir üzə çıxır. Bu dəfə isə Lenovo-nun inqilabi dizüstü kompüteri sızdırılıb.

Texnologiya sahəsinin etibarlı sızıntı mənbələrindən Evan Blass (@evleaks) yeni Lenovo modelinin görüntülərini paylaşıb. Sentyabrın əvvəlində keçiriləcək IFA 2025 sərgisində təqdim ediləcəyi gözlənilən cihazın ən mühüm xüsusiyyəti – ekranın yalnız üfüqi deyil, həm də şaquli mövqedə istifadəyə uyğun olmasıdır.

Project Pivo adlanan bu prototip 16:9 ekran nisbətinə sahibdir. Paneli sadəcə bir hərəkətlə yataydan şaquliyə çevirmək mümkündür. Bu, həm əyləncə, həm də məhsuldarlıq üçün böyük üstünlükdür. Məsələn, 16:9 panel film izləyərkən üfüqi rejimdə qara zolaqları aradan qaldırır.

Daha rahat iş təcrübəsi

Ekran şaquli mövqeyə gətirildikdə, yuxarı kənar istifadəçinin göz səviyyəsinə daha yaxın olur. Bu isə uzun müddət masa arxasında işləyənlər və ya noutbuku dizində istifadə edənlər üçün boyun və duruş baxımından daha rahat təcrübə yaradır.

Lenovo-nun digər sürprizləri

Lenovo bununla da kifayətlənmir. Şirkət həmçinin sərgidə Yoga Tab və IdeaPad Plus adlı yeni planşetlərini, eləcə də portativ oyun konsolu Legion Go 2-ni təqdim etməyə hazırlaşır.