- 395
Samsung Galaxy S25 FE ABŞ qiyməti sızdırıldı
Samsung Galaxy S25 FE ilə bağlı məlumat sızıntıları davam edir. Dünən Avropa bazarında satış siyahısı ortaya çıxmışdısa, bu gün isə ABŞ qiyməti bəlli oldu. Məlumatlar vaxtından əvvəl yayımlanan siyahılardan əldə edilib.
Sızıntıya görə, cihazın qiyməti belədir:
- 128 GB yaddaş + 8 GB RAM – $649.99
- 256 GB yaddaş + 8 GB RAM – $709.99
ABŞ bazarında 512 GB versiyası olmayacaq. Model Jet Black, Navy, Ice Blue və Titanium rənglərində təqdim olunacaq. Qiymət baxımından Galaxy S24 FE ilə eynidir – yəni bu il nə artım var, nə də endirim.
Dünənki məlumata əsasən, Galaxy S25 FE aşağıdakı xüsusiyyətlərlə gələcək:
- 6.7 düymlük AMOLED ekran (1080x2340), 120 Hz yenilənmə tezliyi, Gorilla Glass Victus+ qoruması
- Exynos 2400 prosessoru
- Üçlü arxa kamera sistemi: 50 MP əsas kamera (OIS), 12 MP ultra-geniş, 8 MP telefoto (3x optik zoom və OIS)
- 12 MP ön kamera
- Ekranaltı ultrasəs barmaq izi skaneri
- 4900 mAh batareya, 45W sürətli şarj və 15W simsiz şarj dəstəyi
Cihazın təqdimat vaxtından asılı olaraq, Android 16 və One UI 8 interfeysi ilə satışa çıxması gözlənilir.