Motorola Swarovski ilə geri qayıdır – Yeni model

Motorola-nın Swarovski bəzəkli Razr modeli rəsmi olaraq təqdim edilir

Bir neçə gün əvvəl Motorola-nın Swarovski kristalları ilə bəzədilmiş Razr modeli üzərində işlədiyi haqqında şayiələr yayılmışdı. İndi isə şirkət bu məlumatı rəsmi olaraq təsdiqləyib və yeni modelin təqdimat tarixini 5 avqust olaraq açıqlayıb.

Motorola-nın yayımladığı rəsmi teaser videosunda konkret məhsulun adı qeyd olunmasa da, orada "nə isə parlaq bir şey gəlir" ifadəsi yer alır və şirkət "simvolik cihazına əlavə parıltı qazandıracağını" bildirir.

Something glamorous is coming your way! Stay tuned to see our icon get an extra sparkly makeover💎 #razr pic.twitter.com/hQTtEFTZaJ

— motorolaus (@MotorolaUS) July 15, 2025

Hazırda texniki göstəricilərdə hər hansı dəyişiklik ediləcəyi ilə bağlı rəsmi məlumat yoxdur. Amma Motorola-nın önümüzdəki günlərdə yeni məlumatlar paylaşacağı ehtimal olunur. Şirkət teaser kampaniyasını davam etdirərsə, istifadəçilərə daha ətraflı məlumatlar veriləcəyi gözlənilir.

Yeri gəlmişkən qeyd edək ki, yeni Razr modelləri hələ bir neçə ay öncə satışa çıxarılıb. Lakin Motorola, payız mövsümündə baş tutacaq böyük smartfon təqdimatlarından əvvəl yenidən diqqət mərkəzinə qayıtmaq istəyir. Qeyd edək ki, bu təqdimat mövsümünə 20 avqustda Pixel 10 ailəsinin Google tərəfindən elan ediləcəyi gözlənilir.